Nutheim har vore ein mykje nytta stad for kurs og møte i snart 100 år, både av bygdefolk
og kursgjester frå heile landet. I lang tid hadde me fleire vekelange målarkurs i året, men
verda forandrar seg og me med den. Eigne målarkurs er no reduserte og erstatta av kurs
i regi av verksemder, organisasjonar og enkeltpersonar som vil samlast for å formidle,
motivere og inspirere. I omgjevnader som våre er det lett å nå nå fram med bodskapen sin,
om den er kommersiell eller kulturell.
Me har sjølvsagt det tekniske utstyret som skal til, og trådlaust nettverk heilt inn i den
minste avkrok. Det faglege innhaldet i kursa står bedriftene sjølve for, men me her på
Nutheim syter for rammene - i form av trivsel, mat og drikke. For all erfaring tilseier at
utan mat og drikke duger kursdeltakaren ikkje. I fellesskap set me difor saman menyar
som er tilpassa både budsjett og anledning. Og sidan me berre kan ta i mot 15 kursgjester
i gongen seier det seg sjølv at det ligg til rette for å oppfylle alt frå dei enkle til dei heilt
spesielle ynskje. Dette syns me er ein viktig del av eit vellukka kurs.
